Woh haseen mehfile
woh logon ki waah waahi
goonjta jab
mere kaanon mein woh sab
ghoomta mein
Ana ke galiyaron mein
ek haath mein
sharab ki pyaali liye
baahon mein
shabaab ke saaye liye
dooba rehta
hamesha nashe mein
ghira rehta
hamesha lakar bagon se
Ek raat woh bhi thi
Ek raat aaj bhi hain
Pyaar bahut karti thi
mujhse woh naasamajh
sisak sisak kar
roti mere intezaar mein
kehti thi mujhse
tum hi mere dil mein ho
lekin mein samajh
nahi paaya uske pyaar ko
khareedi hui shabaab
pyari thi mujhe tab
apne sacche pyaar
ko pairon se thokar maar aaya
rooh uski kab
pigal gayi samajh naa paaya
kabhi woh mitti mein
mil gayi jaan na paaya
khush tha mein
apne gharoor ke nashe mein
Ek raat woh bhi thi
Ek raat aaj bhi hain
Ayyashi ke garmi mein
kab daulat pigal gaya
woh pata na chala
Doston ne kab
saath chodd diya
woh pata na chala
akela reh gaya mein
gham-e-ulfat ke aasoon rota raha
naa ab sharaab ka saath tha
naa shabaab ki nazdeekagi
bus korhi bankar reh gaya
Ek raat woh bhi thi
Ek raat aaj bhi hain
Andheron ki chaadar
mein lipta soya hoon mein
kisi anjaan shehar
ke sookhi aanchal mein
dekh raha hoon apne zakahm se
nikalte mawad ke liye ladhte
hue makhhiyon ko
pata nahi kyon yeh
mujhe yeh apne purani
zindagi ki yaad dilate hain
yahan lete ab aakhri saans
gin raha hoon mein
khush toh honge sabhi
kal ke akhbar mein padhkar
kaise ek shayar aaj phirse
marr gaya apne ruswayiyon ke
saaye mein
sochte honge kya
chhoda hoga usne hamare liye
koi ek akhri shayari
Ek raat woh bhi thi
Ek raat aaj bhi hain
No comments:
Post a Comment